БИЛЛИАРД: нускалардын айырмасы
Навигацияга өтүү
Издөөгө өтүү
vol2_146_225_>KadyrM No edit summary |
м (1 версия) |
(Айырма жок)
| |
08:55, 18 Февраль (Бирдин айы) 2025 -деги абалы
БИЛЛИА́РД , б и л ь я р д (фр. billard, bille – тоголок шар) – кырлуу столдо шар ж-а жыгачтаяк (кий) м-н ойнолуучу спорттук оюн. Анын столу нооту же түксүз кездеме м-н капталат. Кырынын астында тор баштыктуу 6 тешикче
(луза) оюлган. Катуу жыгачтан жасалган узун ичке таяк м-н кагып ойнолуучу 16 шары бар. Эки киши ойнойт. Оюнчу таяк м-н шардын бирин мээлеп, оюкка түшүрүү максатында аны м-н башка шарды урат, түшкөн шар оюнду улантууга укук берет. Эгер шар оюкка түшпөй калса же башка шарлар м-н кагышпай барып түшсө оюнду улантуу укугунан ажырайт. Шарды күч м-н түртүп киргизүүгө болбойт. Шарды оюкка көп түшүргөн оюнчу жеңишке жетет. Б-дын эларалык спорттук уюмдары бар.