БЕХТЕРЕВ Владимир Михайлович

БЕ́ХТЕРЕВ Владимир Михайлович [20.1(1.2). 1857, Россия, Вятка губ., Сорали айылы – 24.12. 1927, Москва] – орус невропатологу, психиатр, нейрофизиолог, сексолог, психолог ж-а коомдук ишмер; илимий мектепти негиздөөчү. Санкт-Петер­бургдагы медицина-хирургиялык академияны бүтүргөн (1878). 1885–93-ж. Казан университетинде психиатрия кафедра­сынын профнссору, 1893–1913-ж. Аскер-медициналык академия­нын психо-неврология кафедрасынын башчы­сы, бир эле мезгилде (1897–1913) Санкт-Петер­бургдагы Аялдар медицина институтунда психиатрия ка­федрасынын башчысы. 1908-ж. Психоневрология институту, 1918-ж. Мээ ж-а психикалык иш-аракетти изилдөө институтун (азыркы Бехтерев атындагы психонев­рология институту) уюштурган ж-а жетектеген. Бехтеревдин балдардын жүрүм-туруму, аларды жыныстык тарбиялоо, психиатрия маселелери, аракечтик­ти дарылоо ж-а алдын алуу боюнча эмгектери бар.

Эмг.: Основы учения о функциях мозга, СПб. 1903– 1907.

Ад.: Осипов В. П. В. М. Бехтерев. М., 1947; Ники­форов А. С. Бехтерев. М., 1986.