ДИДИЭСЫ

ДИДИЭСЫ Наньчжу – кытай жылнаамала­рында эскерилген кыргыз элчисинин аты. 843- жылдын 8-айында (29-август–27-сентябрь) ас­кер башчы Д. кыргыз каганынын атынан Тан империясынын (б. з. 7–10-к. Кытайдагы ири мамлекеттин аталышы) императору Уцзундун кабыл алуусунда болгон. Элчи кыргыз каганы­нын расмий катын тапшырып, белек катары эки ак боз аргымак тартуу кылган. Жооп ка­тында Тан династиясынын императору кыргыз каганынын элчисин расмий деңгээлде өтө жо­гору даражадагы урмат-сый м-н үч ирет кабыл алгандыгын ж-а душмандары м-н мурунку биргелешкен күрөштү уланта берерин билдир­ген. О. эле Борб. Азия ж-а ага жамаатташ чөл­көмдөгү чекара коопсуздугуна күч-кубаттуу кыр­гыз кагандыгы тынчтыктын тиреги боло тур­гандыгы айтылган. О. Каратаев.