ГҮМКАНА

ГҮМКАНА – Жалал-Абад обл-нун Базар-Коргон р-нундагы кыштак. Арстанбап айыл округуна караштуу. Арстанбап-Ата токой чарбасынын борбору. Арстанбап суусунун оӊ жээгинде, деӊиз деӊг. 1240 м бийиктикте, жапайы жаӊгак-жемиш токоюнун арасында жайгашкан. Райондун борбору Базар-Коргон кыш-нан 47 км түн.-чыгыш тарапта, Жалал-Абад темир жол бекетинен 80 км. Кыштак 1932-ж. отурукташкан. Калкы 1540 (2009); негизинен токойчулукта ж-а аары чарбасында эмгектенет. Жыгач буюмдарын жасоочу цех иштейт. Орто мектеп, клуб, китепкана, ФАП ж. б. бар. Г-нын жанында «Арстанбап» пансионаты жайгашкан.