ДУ ФУ

ДУ ФУ (712–770) – кытай акыны. «Улуу сепил үчүн чабуул» (750) ж. б. ырларында бүлүндүрүүчү согуштарга каршы нааразылыгын билдирген. Анын «Сулуу жөнүндө ыры» падыша сарайын­дагылардын турмушун мыскылдайт. «Борбор­дон Фынсянга бараткандагы 500 сөздөн турган ой толгоолор» (755) аттуу антифеод. поэмасын­да адам теңдиги ж-дөгү тилегин айткан. Д. Ф. – бийлик башындагылардын бетин ачкан «Үч баш­каруучу» сыяктуу кеңири белгилүү ыр циклде­ринин, чебер жазылган пейзаждык ырлардын автору. Ал өмүрүнүн акырында жалгыз жашап, жакырчылыкта өлгөн. Анын ырлары кытай поэзиясынын өнүгүшүнө зор таасирин тийгиз­ген. Кытайда аны «поэзиянын корифейи» деп аташат.

Ад.: Серебряков Е. А. Ду Фу. М., 1958. Э. Кылычев.