ДНЕПРОПЕТРОВСК

ДНЕПРОПЕТРО́ВСК (1796-жылга чейин ж-а 1802–1926-жылдарда Екатеринослав, 1796–1802-жылдарда Новорос­сийск) – Украинадагы шаар. Днепропетровск облусунун борбору. Днепр дарыясындагы порт. Калкы 1,4 млн (2022). Темир жол тоому. Днепропетровск – Украинанын көмүр-металлургия аймагындагы оор өнөр жайдын ири борбору. Кара металлургия (2 металлургия ж-а 2 куур прокат заводдору ж. б.), машина куруу (өндүрүш бирикмелери: «Түштүк машина куруу заводу», оор пресс ж. б.; тоокен-шахта ж-а метал­лургия жабдуулары, станок, электровоз куруу, комбайн заводдору), радио, химия (пластмасса, шина ж. б.), кокс-химия, курулуш материалдар, жеңил, тамак-аш – татымал өнөр жай ишканала­ры иштейт. Украина ИАнын илимий борбору. Тогуз ЖОЖ (анын ичинде 2 университет), 5 театр (анын ичинде опера ж-а балет театры), 3 музей (анын ичинде тарых ж-а көркөм) бар. 1776-жылы негизделген. Шаар коомдук ишмер Г. И. Петровскийдин урматынан аталган. По­тёмкин сарайы (учурда Студенттер сарайы; 18- кылымдын аягы), Приображение кафедралуу собору (19-кылым) сакталган.