ЖИЙДЕЛЕР

ЖИЙДЕЛЕР (Elaeagnасеае) – эки үлүштүү өсүм­дүктөр тукуму. Бадалдар, көбүнчө тикенектүү, анча чоң эмес дарактар. Кабыгы боз, жалбыра­гы жөнөкөй, бүтүн, кезектешкен же түгөйлүү канаттай. Жаш өркүнү, жалбырагы, гүлү түк­чөлөр м-н капталган. Гүлү 1 же 2 жыныстуу, желекчесиз, актиноморфтуу. Ж. шамал же чы­мын-чиркей аркылуу чаңдашат. Мөмөсү – ши-

релүү же кургак сөөкчө. Тамыры азот топтоочу бак­териялуу түймөк­төрдү пайда кы­лат. Европа, Түн. Америка, Азияда 3 уруусунун 50дөй түрү өсөт. Мөмөсү желет, дары-дар­мек жасоодо кол­донулат, кооздук үчүн ө с т үрүл ө т . Дарагынын сөңгөгү баалуу, кабыгынан, жалбы­рагынан өңдөгүч заттар, гүлдөрүнөн бал алы­нат. О. Азияда, Кавказда ж-а Кырг-нда кууш жалбырактуу ж-а чыгыш Ж-и таралган.