ВАРВАРЛАР

(гр. вarbaroi – гректер эмес, жаттар деген тууранды сөздөн) – байыркы гректер, кийин римдиктер өздөрү түшүнбөгөн тилде сүйлөгөн уруулар м-н элдерге берген аталыш. Б. з. 1-к-нан В. аталышы «тили буруу» ж-а мад-ты чоочун германдар м-н кельттерге карата көбүрөөк айтыла баштаган. Жаӊы мезгилден тарта «В.» термини илимде Рим империясынан тышкары жашаган (варварлар дүйнөсү) ж-а анын ээликтерине кол салып (варвардык кол салуулар), анын аймагында алгачкы королдуктарын негиздешкен элдердин баарына карата колдонулган; «варвар акыйкаттары» катары белгилүү болгон бул элдердин адат укугу б-ча жазмалары. Өтмө мааниде В. деп наадан, маданиятсыз, маданий дөөлөттөрдү кыйратуучу кишилер же элдер аталат.