ГИДРОГЕОЛОГИЯЛЫК АЙМАКТАШТЫРУУ

ГИДРОГЕОЛОГИЯЛЫК АЙМАКТАШТЫРУУ , г и д р о г е о л о г и я л ы к р а й о н д о ш т у р у у – тоо тек катмарларынын гидрогеол. шарттарына, жер астындагы суулардын пайда болуусуна, таралуусуна ж-а алмашуусуна карай айрым жерлерди табигый бирдей аймактарга бөлүү. Г. а. гидрогеол. изилдөөлөрдүн негизинде жер астындагы сууларды эл чарбасына пайдалануу ишин жакшыртуу үчүн жүргүзүлөт. Г. а. негизинен атайын максаттагы ж-а жалпы болуп бөлүнөт. Жалпы Г. а. жер астындагы сууларды ар кандай багытта (ичүүгө, сугатка, тех. керектөөлөргө) пайдалануу, ал эми атайын максаттагы Г. а. терм же минерал сууларын келечектүү аймактарга бөлүү үчүн жүргүзүлөт. Ар бир гидрогеол. аймак суунун жайгашуусу ж-а курамы б-ча бири-биринен айырмаланат, б. а. бир аймакта тузсуз таза суу болсо, экинчисинде минералдашкан туздуу суу кездешет. Кыртыш сууларын аймакташтырууда антропогендин тоо тек катмарларынын таралышын ж-а курамын аныктоо өтө зарыл болсо, артезиан сууларын аймакташтырууда геол. структураларды (oйдyӊ, синклиналь, мульда ж. б.) аныктоо керек, анткени көрсөтүлгөн структуpaдa артезиан бассейндери жайгашат. Минералдуу сууларды аймакташтырууда алардын газ курамына айрыкча көӊүл бөлүнөт. Кырг-ндын аймагын, анын гидрогеол. шарттары б-ча Р. С. Мангельдин негизинен 3 гидрогеол. системага ж-а (Түн., Ички ж-а Борб. Теӊиртоо), а. и. 5 регионго (Чүй – Талас, Ысык-Көл, Нарын, Кантеӊир – Ак-Сай ж-а Арпа бөлгөн (1975); мында 50дөн ашык артезиан бассейндери белгиленген. Г. а. тоо кырлары м-н чектелип бөлүнөт.
К. А. Кожобаев.