ГИДРОЛОГИЯ СТАНЦИЯЛАРЫ

ГИДРОЛО́ГИЯ СТАНЦИЯЛАРЫ – 1) гидрометеорол. кызматтын дарыя, көл, деӊиз, суу сактагыч, саз ж-а мөӊгүлөрдүн гидрол. режимине байкоо жүргүзүп, изилдөө иштерин аткаруучу өндүрүш органы. Курал ж-а приборлор м-н жабдылган пункттары болот. 2) Деӊиздин же көлдүн координаталары белгилүү чекиттериндеги пунктары. Анда кемеден гидрол. (деӊиздин абалы, аба ырайы, суунун өӊү, тунуктугу, темп-расы ж-а хим. курамына, о. эле агымдардын багыты ж-а ылдамдыгына) байкоолор жүргүзүлөт.