ГОМЕЛЬ

ГО́МЕЛЬ – Беларуссиянын түш.-батышындагы шаар. Гомель обл-нун адм. борбору. Сож д-ндагы порт. Калкы 510,3 миӊ (2020). Темир жол тоому. Машина куруу (станок, а. ч. машиналары, прибор ж. б.), металл иштетүү, жыгаччылык, хим., тамак-аш, жеӊил өнөр жай ишканалары иштейт. Беш ЖОЖ (а. и. ун-т), 2 театр (драма, куурчак), мекен таануу музейи бар. 1142-жылдан белгилүү. 1335-жылдан Литванын, 1589-жылдан Польшанын, 1772-жылдан Россия империясынын курамына кирген. Румянцевдер м-н Паскевичтердин классицизм стилиндеги сарайы (18-к.), Ильинский чиркөөсү (18-к-дын аягы; жыгачтан салынган), Пётр ж-а Павел собору паркы м-н (1809) сакталган.