ВАЛЛЕТТА

ВАЛЛЕ́ТТА , Л а-В а л л е т т а – Мальта Респ-нын борбор шаары. Калкы 5,7 миӊ (2016). Мальта а-нын түн.-чыгыш жээгиндеги порт

Валетта шаарынын гаваны.

Жер ортолук деӊиздеги суу жол тоому (жылына 2 млн т жүк ташылат). Эл аралык аэропорту бар. 1565-ж. негизделген. Иоаннит рыцарь орденинин магистри Ж. Паризо ле Ла Валлеттин ысмынан аталган. Соӊку ренессанс ж-а барокко стилиндеги көптөгөн курулуштар сакталган. Театр, улуттук китепкана, ун-т, музейлер (а. и. улуттук археология, асем иск-во ж. б.) бар. В.-туризмдин борбору, ал Бүткүл дүйнөлүк мурастын тизмесине кирген. Шаардын экономикасында тейлөө чөйрөсү үстөмдүк кылат. Тамакаш, текстиль, тигүү, кеме ремонттоо өнөр жайы, салт болуп калган тор түйүү, кол өнөрчүлүк (айнектен буюм жасоо) өнүккөн. Шаардын чет жакасында эски курулуштар (15–16-к.), Сан-Лоренцо чиркөөсү (15-к.), деӊиз музейи (1992) бар.