ГАБРИЛОВИЧ

ГАБРИЛО́ВИЧ Евгений Иосифович [17(29). 9.1899, Воронеж – 5.12.1993, Москва] – кинодраматург, жазуучу, сценарист, СССР мамл. сыйл. лауреаты, проф. (1962), РСФСРдин иск-восуна эмг. сиӊ. ишмер (1969), Соц. Эмг. Баатыры (1979). Москва ун-тинин юрид. ф-тинде окуган. Адабий ишмердиги 1921-жылдан башталган. 1937-ж. «Акыркы түн» фильмине (өзүнүн «Жоош Бровкин» повести б-ча) сценарий жазган. Г-тин көӊүлүнүн борборунда жөнөкөй, эл үчүн өмүрүн аябаган адамдар болгон. «Акыркы түн» фильминен тартып реж. Ю. Я. Райзман м-н чыг-лык достугу башталган. «Машенька» (1942, 1943, 1967, 1983), «Турмуш сабагы» (1955), «Данте көчөсүндөгү өлтүрүү» (1956), «Кыял» (1943), «Коммунист» (1958), «Акыркы күз» («Ленин тууралуу аӊгеме» фильм-новелласы, 1958), «Сенин замандашыӊ» (1968),

Сценарийдин авторлору Е. Габрилович ж-а Г. Панфилов, реж. Г. Панфилов. «Отто кечүү жок». Таня Тёткина – И. Чурикова, Фокич – М. Глузский. 1968.

«Ашыктыгын айтуу» (1978), «Монолог» (1973), «Кечиккен жолугушуу» (1980) ж. б. фильмдердин сценарийин жазган. Кино теоретиги катары да таанымал. 1948-жылдан ВГИКте педагог болуп эмгектенген. Ленин ордени м-н сыйланган.