ГАЗИАБАД

ГАЗИАБА́Д – Индиянын түн. бөлүгүндөгү шаар. Уттар-Прадеш штатында. Калкы 1,7 млн (2011). Ганг ж-а Жамна д-нын аралыгында, Делиден 19 км чыгышта (анын агломерациясына кирет). Ири жолдор тоому. 1740-ж. вазир Гази-уд-Дин тарабынан негизделген. Ин-ттар (технол. башкаруу, Механика ж-а технология кришнаит) бар. Хим. (боёк, лак ж. б.), фармацевтика, металл иштетүү, текстиль (а. и. кооз кездемелер), полигр., тамак-аш (суу май), айнек, машина куруу (электр-тех. буюмдары, темир жол вагондору, дизель кыймылдаткычы, велосипед ж. б.) өнөр жай ишканалары иштейт.