БОШОӉДОТУУ

БОШОӉДОТУУ м е т а л л д ы – чыӊоодон кийин эритмени белгилүү темп-рага ысытып кайра муздатуу (эреже катары сууда же абада) м-н иштетүү. Ал негизинен болотту ысык иштетүүдө колдонулат. Түстүү металлдардын куймасын Б. жасалма эскиртүү деп аталат. Чыӊоодон болот жумшарып, морт болуп, аны иштетүүгө терс таасирин тийгизет. О. эле өтө катуу болот тетиктер да акыркы жолу кыйынчылык м-н мех. иштетилет. Ошондуктан болот бышыктыгын арттырып, жумшактыгын жогорулатуу үчүн бошоӊдотулат. Ал төмөнкү (–120...–250°С), орт. (300–400°С) ж-а жогорку (450–650°С) темп-рада жүргүзүлөт (акыркысы ж а к ш ы р т у у деп да аталат). Б. режими талап кылынуучу бышыктык м-н майышуучулуктун катышына жараша тандалат.