БРОМДУУ ЭТИЛ

БРОМДУУ ЭТИЛ , э т и л б р о м и д и, CH₃CH₂Br – хлороформ жыттанган түссүз суюктук. Мол. м. 109,04; эрүү t 119, 60°С, кайноо t 38,2°С. Сууда эрибейт, эфир, этил спирти ж. б. эриткичтерде эрийт. Ал этанга бромду же этиленге НВrду түздөн-түз таасир этүүдөн алынат. Металлдар ж-а нуклеофилдүү реагенттер м-н орун алмашуу реакциясына кирет. Орг. синтезде алгачкы сырьё, этилдөөчү агент, өрт өчүрүүчү заттардын компоненти катары колдонулат. Наркоздук ж-а ооруну басаӊдатуучу касиетке ээ.