БАНЬЯН

БАНЬЯ́Н – өсүмдүктөрдүн фикус уруусуна кирүүчү дарактардын бир нече түрү. Бенгал Б-ы фикус деп аталып, бийикт. 30,5 мге жетет. Индияда кеӊири таралган. Себеби анын көлөкөсү үчүн өстүрүшөт. Дарак шагынан өскөн аба тамырлары жерге чейин жетип, тамырланат ж-а сөӊгөккө айланат; бир эле дарак кээде 2 гага жакын жерди ээлеп өсөт. Б-дын түзүлүшү – вегетациялык көбөйүүнүн өзгөчө формасы, анда «эне дарак» м-н жаӊы дарактын ортосундагы байланыш узакка сакталат. «Эне-дарак» куурап калса да, калган дарактардын өсүшүнө таасир этпейт.