БАРОКАМЕРА

БАРОКА́МЕРА (гр. bfros – оордук, салмак ж-а камера) – төмөнкү (вакуумдук) ж-а жогорку (компрессиялык) атм. басымды жасалма түрдө алуу үчүн колдонулуучу аба кирбей турган жылчыксыз бөлмө (камера). Басымды абанын курамын өзгөртүү ж-а аны бир калыпта сактап туруу үчүн Б. атайын аппараттар м-н жабдылат. Б. адамдын организимине бийиктиктин тийгизген таасирин изилдөө, учкучтар м-н космонавттардын машыгуусун өткөрүү, авиац. кыймылдаткычтарды текшерүү, кээ бир ооруларды дарылоо ж. б. үчүн пайдаланылат.