БАТИПЛАН

БАТИПЛА́Н ( гр. bathes – тереӊ ж-а лат. Planum – тегиздик) – суу астында байкоо жүргүзүүчү бир орундуу чиркелме аппарат. Ал балык уулоочу ж-а топтошкон балыктуу аймактарда (табигый шартта) балыктарга, балык кармай турган конус түрүндөгү оозу бар кап сымал тордун (трал) иштешине байкоо жүргүзүү ж-а изилдөө үчүн арналган. Гидродинамикалык күчтүн аракети м-н кыймылдап, сууга чөгөрүлөт ж-а тереӊдикте кармалып турат. Жылчыксыз тулкусунда отурган адам башкарат. Б. кемеден түшүрүлүп, суунун бетинде сүзүп жүрөт же рулдун жардамы м-н керектүү тереӊдикке чөгөрүлөт.