ВАЛ

м а ш и н а к у р у у д а – айлануучу тетикке айландыруу моментин берип, аны бир абалда кармап туруучу машина тетиктеринин бири. Ал энергия булагынан же энергияны өзгөртүүчү түзүлүштөн толгоочу моментти өткөрөт, айлануучу тетиктердин таянычы катары кызмат кылат ж-а подшипникте айланат. Машинанын констр-сына карата В. толгоочу моментти гана пайда кылбастан, өзүнүн огуна жарыш ж-а туура багытталган күчтөргө да дуушар болот. В. констр-сы б-ча түз, муунактуу, шлицалуу, ал эми туура кесилиш формасына карай көӊдөй же жумуру болот. В. көмүртектүү ж-а легирленген болоттордон жасалат.