БЕЙРУТ

БЕЙРУ́Т – Ливан Респ-нын борбор шаары. Жер Ортолук деӊиздин чыгышындагы дөӊсөөлүү ж. а-да жайгашкан. Калкы 2,0 млн (2021). Б. – ири порт; темир ж-а автомобиль жолдор тоому. Эл аралык аэропорту, текстиль, тамак-аш, булгаары, металл иштетүү өнөр жайы бар. Сыртка цитрус мөмөлөрүн, алма, зайтун майын, пилла, жүн чыгарат. Мамл., америкалык, француз ж-а араб ун-ттери, музейлер бар. Б. з. ч. 18-к-дан (башка маалымат б-ча 15-к-дан) Берит, Берута деген ат м-н белгилүү) Финикиянын соода борбору ж-а порту, эллада – рим доорунда ири соода, кол өнөрчүлүк борбору катары эскерилет. 7-к-да Араб халифатынын курамына кирген. 14–15-к-да египеттик мамлюктардын ээлиги болгон. 1516–1918-ж. Осмон падышалыгынын курамында. 1920–43-ж. Франциянын мандат м-н башкаруусуна ээ. 1943-жылдан көз каранды эмес Ливандын борбор шаары. Өлкөнүн финансы чордону. Финикия, Рим, Византия курулмаларынын, мечиттердин (Жами аль-Омари, 13-к.; «Дворцовая», 16-к.) калдыктары сакталган. 1982-ж. Израилдин агрессиясынын натыйжасында көп жери кыйроого учураган.

Парламент аянты.