ГАЗ ӨТКӨРҮМДҮҮЛҮК

ГАЗ ӨТКӨРҮМДҮҮЛҮК – басым өзгөргөндө катуу заттын газ өткөрүү касиети. Катуу заттын түзүлүшүнө ж-а басымдын өзгөрүшүнө жараша ал диффузиялык агым, молекулалык эффузия ж-а ламинардык агым болуп бөлүнөт. Д и ф ф у з и я л ы к а г ы м көӊдөйсүз катуу заттын Газ өткөрүмдүүлүк мүмкүндүгүн аныктайт. Диаметри газ молекуласынын эркин жүрүү жолунун узундугунан кичине көӊдөйчө аркылуу газдын өтүшү молекулалык эффузия болот. Газдын эркин жүрүү жолунун узактыгынан катуу заттын көӊдөйчө диаметри чоӊ учурда л а м и н а р д ы к а г ы м ы байкалат.