БЛАНТЕР

БЛА́НТЕР Матвей Исаакович [28.1(10.2). 1903, Чернигов губ., Мглин уезди, Почеп, азыркы Брянск обл. – 24. 9. 1990, Москва] – орус композитору, РСФСР иск-восуна эмг. сиӊ. ишмер (1947), СССР эл арт. (1975), Соц. Эмг. Баатыры (1983). 1917–19-ж. Москва филармония коомунун муз. драма окуу жайында (скрипка классында) окуган. 1920-ж. Москвадагы «Мастфор» театр эстрадасы студиясында, түрдүү эстрада ж-а драма театрларында иштеген. Жеӊил ыр-бий жанрында анын фокстроттору («Джон Грей», «Фудзияма», «Багдад») кеӊири белгилүү. 1930-ж. Б-дин чыг-лыгынын мүнөзү кескин өзгөрүлгөн. «Партизан Железняк» ж-а «Щорс жөнүндө ыр» аттуу чыгармалары м-н ал ыр жанрынын баштоочусу болуп калды. 1936-жылдан СССР мамл. жаз оркестринин көркөм жетекчиси; коллектив анын М. В. Исаковскийдин сөзүнө жазылган «Катюша» (1939) аттуу ыры м-н белгилүү болгон. Улуу Ата Мекендик согуш мезгилинде «Кош болгула – шаарлар жана үйлөр» (1941), «Менин сүйүктүүм» (1942), «Оттор» (1943) ж. б. мыкты чыгармаларын жараткан. «Душмандар үйүмдү өрттөштү» (1945), «Келгин куштар» (1949) ж. б. көптөгөн ырлары эл арасына кеӊири тараган. СССР мамл. сыйл. лауреаты (1946).