БОЗТЕКТИР КӨРҮСТӨНҮ

БОЗТЕКТИР КӨРҮСТӨНҮ – б. з. ч. 6–3-к-га таандык археол. эстелик. Кетментөбө өрөөнүндөгү Чычкан суусунун оӊ жээгинде жайгашкан. Көрүстөн 40 дөбө-коргондон турат. Бийикт. 2–5 м, диаметри 20–45 мдей. Көрүстөн 1972-ж. И. Кожомбердиев жетектеген археол. отряд тарабынан табылып, изилденген. 27 коргон казылып, тонолуп кеткендиги аныкталган. Буга карабастан, коргондон чопо идиштер, илбирстин башы түшүрүлгөн сүрөттөрү бар коло буюмдар, аттын ооздугу, канжардын сабы, жебенин учу ж. б. табылган. Д. Ф. Винник.