ВЕТЕРИНАРИЯ КЫЗМАТЫ

ВЕТЕРИНА́РИЯ КЫЗМАТЫ – ветеринария тар­магына тиешелүү болгон практикалык иш уюш­туруу ж-а жүргүзүү үчүн түзүлгөн вет. чаралар. В. к-нын негизги милдеттери: өлкөдөгү жаны­барлардын арасында жугуштуу оорулардын пай­да болушуна ж-а таркалышына бөгөт коюу, мал­дын ылаңдарын алдыналуу, дарылоо ж-а элди санит., экол. жактан, жугуштуу агенттерден таза мал чарба ж-а өсүмдүк азык-түлүктөрү м-н камсыз кылуу. Кырг-нда алгачкы В. к. 1924-ж. түзүлгөн ж-а анын жетекчиси ветврач-револю­ционер С. М. Воскресенский болгон. Андан соң В. к-нын тармагы кенейтиле баштаган ж-а жаңы вет. дарылоо, алдыналуу пункттары ар бир аймакта ачылган. Вет. кызмат көрсөтүү ил. негизде жүргүзүлө баштаган. 1940-жылдары Кырг-нда атайын ил. мекеме – Кыргыз ил.-из. вет. тажрыйба станциясы уюштурулган. В. к-ы-нын түзүлүшү, анын милдеттери ж-а иш жүр­гүзүү принциптери атайын кабыл алынган «Ве­теринария жөнүндөгү закондо» каралган. Азыр­кы мезгилде Кыргыз Респ-касында В. к. мамл., ведомстволук, жекече болуп бөлүнөт. Ал Айыл, суу чарба ж-а кайра иштетүү министрлигинин алдындагы Мамл. вет. департаментке баш иет. В. к-тын тармагын обл., шаардык, райондук, айылдык вет. бөлүмдөр (мекемелер), вет. лабор­лар, вет.-санит. ж-а вет. чегаралык карантин­дик пунктар түзөт. Б. К. Акназаров.