ВИНОГРАДОВ Виктор Владимирович

ВИНОГРА́ДОВ 2 Виктор Владимирович [31.12. 1894 (12.1.1895), Зарайск – 4. 10.1969, Москва] – тилчи, адабиятчы, СССР ИАнын академиги (1946). Петроград тарых-филология ин-тун ж-а Археология ин-тун бүтүргөн (1917). Ленинград (1920–29) ж-а Москва (1930–62) ун-ттеринин проф., Москва ун-тинин орус тил кафедрасы­нын башчысы (1945–69),

СССР ИАнын Тил илими ин-тунун (1950–54), СССР ИАнын Орус тил ин-тунун (1958–68) директору, СССР ИАнын Тил ж-а адабият бөлүмүнүн академик-секре­тары (1950–63), «Boпросы языкознания» журналы­нын редактору (1953–69). В. орус адабий тилинин грам­мат. түзүлүшүн, тарыхый стилистикасын, фразеологиясын, лексикология­сын терең изилдеп, жалпы тил илиминин масе­лелери б-ча да ил. эмгектерин жазган. Ал «17– 19-кылымдардагы орус адабий тилинин тары­хы боюнча очерктер» (1934), «Орус тили. Сөз тууралуу грамматикалык илим» (1947), «Пуш­кин жана орус адабий тилинин тарыхы» (1935), «Пушкиндин стили» (1941), «Көркөм проза туу­ралуу» (1930), «Көркөм адабияттын тили жөнүндө» (1959), «Стилистика. Поэтикалык сөздүн теориясы. Поэтика» (1963) аттуу белгилүү эмгектердин автору. Ленин ордени ж-а медал­дар м-н сыйланган.