ВИТЕБСК

ВИ́ТЕБСК – Беларуссиянын түн.-чыгышында­гы шаар, Витебск обл-нун борбору. Калкы 342,2 миң (2006). Батыш Двина д-нын боюнда. Жол­дор тоому. Деңиз порту. Аэропорту бар. Шаар

Шаар панорамасы.

11-кылымда негизделген. 1101-жылдан Витебск княз­дыгынын борбору. 14-кылымдан Литва м-н Польша­нын, 1772-жылдан Россия империясынын, 1919– 24-ж. РСФСРдин, 1924-жылдан БССРдин кура­мында. Благовещенск (12-к.), барокко ж-а клас­сицизм стилиндеги Казан чиркөөлөрү (1760), Ыйык Троица Марк (14–15-к.) ж-а монастыр­лар ансамбли (14–15-к.), Успенье собору (15-к.), иезуит коллегиуму (18-к.), губернатор сарайы (18-к.), ратуша (учурда крайтаануу музейи), ту­ракжай үйлөрү, Ыйык Варвара костёлу ж. б. бар. 1988-ж. «Амфитеатр» маданий-спорт ком­плекси, 20-кылымдын аягында Жеңиш аянты мемо­риалдык комплекси м-н ачылган. Ун-ттер, ве­теринария медицинасы академиясы (1924), арт­борбор (1992) ж-а М. Шагалдын үй-музейи, мен­чик коллекция музейи, театрлар иштейт. 1987- жылдан эларалык заманбап хореография, 1992- жылдан эларалык «Славян базары» иск-во фес­тивалдары өткөрүлөт. Станок куруунун ж-а же­ңил өнөржайдын ири борбору. Металл кесүүчү, жыгаччылык станоктору, трикотаж буюмдар, радио деталдары, телевизорлор («Витязь»), ченөөчү приборлор, эмерек, буткийим («Бел­вест») ж. б. чыгарылып, килем токулат. В-ге жакын чептердин калдыктары, И. Е. Репиндин парк чарбагы жайгашкан. казып алынат. 3 8

Ад.: Витебск//Энциклопедический справочник.