ВРАЧТЫК ЭМГЕК ЭКСПЕРТ КОМИССИЯСЫ (ВЭЭК)

ВРАЧТЫК ЭМГЕК ЭКСПЕ́РТ КОМИССИЯСЫ (ВЭЭК) – анат. кемтиктерден ж-а оорунун ке­сепетинен ишке жарамдуулукту убактылуу же узакка жоготууну, майыптыктын топторун, анын себептерин аныктоочу врачтык комис сия.
Бул Кыргыз Респ-сында 1939-ж. уюшулган. ВЭЭК райондук, район аралык, шаардык, обл., респ. болуп, мед. мекемелердин базасында Эм­гек ж-а социалдык жактан коргоо министрли­гинин мед.-социалдык экспертиза башкы баш­кармасы уюштурат. ВЭЭК негизги адистикте­ги (терапевт, хирург, неврапатолог ж. б.) врач­эксперттерден турат; комиссиянын карамагы­на, о. эле профсоюз уюмдарынын ж-а социал­дык камсыздандыруу органынын өкүлдөрү да кирет. ВЭЭК эмгекке таптакыр же узакка жа­рамсыздыгын аныктап, эмгекке жарамдуулук­ту толук же жарым жартылай калыбына кел­тирүү үчүн керектүү иш-чараларды белгилейт. ВЭЭКтин чыгарган жыйынтыгынын негизинде жумушчулар ж-а кызматкерлер кесиптик жу­муштарынан бошотулат, аларга мамл. мый­зам б-ча пенсия дайындалат.