ВИШНЕВСКИЙ Александр Александрович

ВИШНЕ́ВСКИЙ Александр Александрович [11(24).5.1906, Казан — 19.11.1975, Москва] — орус хирургу, СССР МИАнын академиги (1957), Социалисттик Эмгектин Баатыры (1966). Медициналык кызматтын генерал­-полковниги. 1929-жылы Казан университетинин медицина факультетин бүтүргөн. 1948-жылдан СССР МИАнын А. В. Вишневский атындагы хирургия институтунун директору ж-а Советтик Армиянын башкы хирургу (1956). Вишневский жү­рөктүн, өпкөнүн операциясында оорутпоо (анес­тезия), хирургияда полимерди колдонуу сыяктуу проблемаларды иштеп чыккан. Ал 1953-жылы жергиликтүү оорутпоо м-н жүрөккө дүйнөдө 1-болуп опе­рация жасаган. 1957-жылы жүрөккө операция жа­соодо жасалма кан айландыруучу аппаратты СССРде 1-жолу колдонгон. 1955-жылы жергиликтүү оорут­поо жөнүндөгү иши үчүн Р. Лериш атындагы эл аралык сыйлык берилген. Ленин сыйлыгынын (1960) ж-а СССР мамлекеттик сыйлыгынын (1970) лауреаты. Эл аралык хирур­гдар ассоциациясынын ж-а бир нече чет өлкөлүк илимий медициналык коомдун мүчөсү. Үч Ленин, башка көп­төгөн орден ж-а медалдар, ошондой эле чет өлкөлөрдүн ордендери м-н сыйланган.