ВЛАСОВ Юрий Петрович

ВЛА́СОВ Юрий Петрович (5.12.1935-ж.т., До­нецк обл., Макеевка) – орус спортчусу (оор ат­лет), СССР спортунун эмгек сиңирген чебери (1959); публицист. 1950-жылдардын аягы –1960-жыл­дардын башында дүйнөдөгү эң күчтүү спортчу (штангист ). Оор салмак категориясы боюнча Олим­пия оюндарынын (1960), дүйнөнүн (1959, 1961– 63), Европанын (1959–64), СССРдин (1959-63) бир нече жолку чемпиону. Дүйнөнүн бир нече жол­ку рекордсмени (1959–67). Россиянын жеңил атлетика (1985) ж-а атлетикалык гимнастика (1987–88) федерацияларынын, көз карандысыз Пушкин академиясынын (1993-жылдан) прези­денти. РФтин Мамлекеттик думасынын депутаты (1993– 95) . 1946–53-жылдары Суворов атындагы аскер окуу жайында (Саратов ш.), 1953–59-жылдары Н. Е. Жуковский атындагы аскер-аба академиясын­да окуган. Ошол жерде оор атлетика боюнча ма­шыга баштаган. Ал 31 дүйнөлүк рекорд койгон (штанга көтөрүүнүн үч түрүнүн суммасы боюнча рекордду 510 кгдан 580 кгга жеткирген), «Пла­нетанын эң күчтүү кишиси» титулуна ээ бол­гон. Көптөгөн популярдуу китептердин автору. Ленин ордени м-н сыйланган.

Чыг.: Соленые радости, М., 1976; Огненный крест. М., 1991. Ч. 1–2.