БАЙГЕ

БАЙГЕ — мелдеште жеңгендиги үчүн берилүүчү сыйлык. Ат чабыш, жорго салыш, эр салыш, оодарыш, балбан күрөш, жөө жарыш, ордо, бука тартыш, бута атыш, жамбы атыш, кыз куумай, тыйын эңмей, көкбөрү, сундуй көтөрүү ж. б. эл­дик оюндарда жеңгендерге Б. берилген. Б-ге мал, мүлк, пул, кийим, кооздук буюм ж. б. сый­лыктар коюлган. Мис., Шабдандын ашындагы чоң ат чабыштын 1-байгеси 5000 сом болгон. Азыркы учурда Б-ге автомашина ж. б. буюм­дар, о. эле акчалай сыйлыктар берилүүдө.