БАЛДАРДЫ КОРГООНУН ЭЛ АРАЛЫК КҮНҮ

БАЛДАРДЫ КОРГООНУН ЭЛАРАЛЫК КҮНҮ балдардын денсоолугун сактоо, согуш корку­нучунан ж-а эксплуатациялоодон коргоо, де­мокр. негизде таалим-тарбия ж-а билим берүүнү жүзөгө ашыруудагы жалпы дүйнөлүк коомчу­луктун ой-пикирин ж-а аракетин багыттоо максатын көздөйт. Аялдардын эларалык демокр. федерациясынын 2-конгрессинин чечимине ыла­йык 1949-ж. Москвада болуп өткөн сессиясын­да жыл сайын аны 1-июнда белгилөө кабыл алынган ж-а ал биринчи жолу 1950-ж. 51 мамлекетте өткөрүлгөн. Кийин дүйнөнүн көп өлкөлөрүндө белгилене баштаган. Бүткүл дүйнөлүк демокр. аялдар, жаштар, профсоюздар федерациялары ж. б. уюмдар балдардын укуктарын коргоо, кам көрүү, жашоо шарттарын жакшыртуу ж-а бак­чаларды, мектептерди, дарылоо, эсалуу жайла­рын уюштуруу ж. б. суроо-талаптарды мамле­кеттин, жеке менчик уюмдарынын кароосуна коюшат. Мамлекет ж-а коомчулуктун бардык уюмдары тарабынан 1-июнда балдар үчүн ар кандай көңүл ачуулар, конкурс-оюндар, кай­рымдуулук акциялары уюштурулат.