БАЛЫРЛАР

БАЛЫРЛАР (Аідае) - көбүнчө сууда өсүүчү, хлорофилл ж-а пигменттери бар автотрофтуу, жө­нөкөй түзүлүштүү өсүмдүктөр. Аларда негизги

Балырлар: 1 - та­рамдуу филлофора; 2 - ульва; 3 - кант­туу ламинария; 4 - саргассум; 5 - ка­димки хара.

вегетация органдары (жалбырак, сабак, тамыр) болбойт. Денеси таллом деп аталат. Микроскоп м-н гана көрүнгөн түрлөрү, 40-50 м ге жеткендери да бар. Алар - бир ж-а көп клетка­луу, клеткасыз, о. эле жөнөкөй жипче же пла­стинкалардан турган татаал түзүлүштүү өсүм­дүктөр. Океан, деңиз, көл, агын сууларда 50 миңге, Кырг-нда 1 миңге жакын түрү - хара, диатом ж. б. бар. Айрым түрлөрү нымдуу топу­ракта да кездешет. Алар жыныстык, жыныс­сыз, вегетативдик жол м-н көбөйөт. Өз дене­синде орг. заттарды пайда кылып, көмүр кыч­кыл газын бөлүп чыгарат. Балык ж. б. суу жа­ныбарларына тоют, о. эле жерсемирткич катары колдонулат. Көпчүлүгүнөн йод, калий туз­дары, целлюлоза, спирт, уксус к-тасы ж. б. алы­нат. Айрымдары тамак катары да пайдала­нылат.