БАЛКЫБЕКОВА

БАЛКЫБЕКОВА Сайрагүл (1922, Нарын облусу, Нарын району, Эчки башы айылы - 7. 10. 1995, Бишкек шаары) - драма артисти, Кыргыз Республикасынын эл артисти (1970). Актёрлук иши 1939-жылы Нарын драма театрынан башгалган. 1946–1948-жылдары Кыр­гыз мамлекеттик драма театры­нын, 1949-1952-жылдары Пржеваль­скидеги Ысык-Көл облустук дра­ма театрынын, 1952-жыл­дан Кыргыз мамлекеттик драма театрынын артисти. Балкыбекова жергиликтүү авторлордун жана дүйнөлүк классиктердин чыгармала­рындагы ар кыл мүнөздөгү образдарды көрүүчүлөргө

жан дүйнөсүнүн сезимталдыгы, таланты менен жеткире билген. Аткарган негизги ролдору: Ай­ганыш (К. Жантөшев, «Курманбек»), Жаңыл (К. Маликов, А. Куттубаев, «Жаңыл»), Жыпар­гүл (Т. Абдумомунов, «Атабектин кызы»), Зуу­ра (Б. Жакиев, «Атанын тагдыры»), Жер-Эне (Ч. Айтматов, «Саманчы жолу»), Кручинина (А. Н. Островский, «Күнөөсүз күнөөлүүлөр»), Ре­гина (Шекспир, «Король Лир»), Анна (Л. Тол­стой, «Анна Каренина»), Эне (Б. Жакиев, «Өкүм»), Бакдөөлөт, Каны­кей (Ж. Садыков, «Манастын уулу Семетей», «Сей­тек »), Бурма (Т.Касымбеков, «Ток­тогул»), Чүкөдөй (Т. Абдумому­нов, «Жыгылган оогонго күлөт»),

Ш. Садыбакасовдун «Акбоз ат» спектак­линде Зулайканын ролунда - С.Балкы­бекова.

Бермет (К. Эшмамбетов, «Саринжи-Бөкөй») жана башкалар. «Ардак Белгиси» ордени жана медалдар менен сыйланган.