БЕРНЕС

БЕРНЕ́С (өз фам. Нейман) Марк Наумович – [8(21). 9. 1911, Чернигов губ., Нежин ш. – 17. 8. 1969, Москва] – орус актёру, эстрада ырчысы, РСФСР эл арт. (1965). Харьковдо театр курсун бүткөн. Харьков, Москва театрларында иште­ген. Кинодо 1937-жылдан («Шахтёрлор», «Мыл­тыкчан киши», «Чоң өмүр», «Истребителдер»).

М. Н. Бернес «Эки жоокер» фильмин­де. 1943.

Аткарган ролдорундагы адамдардын карама­каршылыктуу сапаттары, жөнөкөйлүк, ыр ж-а тамаша Б-ти мезгилдин белгилүү актёру ка­тары тааныткан. Согуш мезгилиндеги элдин баа­тырдык образын «Эки жоокер» (1943) фильмин­де ачып берген. Умар Магометтин («Москвадан алыс», СССР мамл. сыйл., 1951), Косаревдин («Тарас Шевченко»), Караваевдин («Женя, Же­нечка жана “катюша”») ж. б. курч мүнөздөгү образдарды түзгөн. 1943-жылдан эстрада ырчы­сы. Э. Колмановскийдин «Өмүр мен сени сүйөм», Я. Френкелдин «Турналар» ж. б. ырлар анын аткаруусунда эл арасында кеңири тараган.