БЕРТОЛЛЕТ ТУЗУ

БЕРТО́ЛЛЕТ ТУЗУ , х л о р д у у к ы ч к ы л к а л и й, KСlO₃ – түссүз, тунук кристалл; сууда эрийт; орг. заттар м-н аралаштырып сүргөндө күйөт ж-а жарылат. Ал канды ажыратуучу өтө уулуу зат. Кан гемоглобинин метгемоглобинге өткөрүп, кызыл кан денечелеринен тромбдорду пайда кылат. Аны м-н ууланганда демалуу органдары иштебей калат. Медицинада стома­тит болгондо, кариести алдыналууда оозду чай­коо үчүн колдонулат. Алгач фр. химик И. Л. Бер­толле бөлүп алган.