ДАБАЧЫ

ДАБАЧЫ , Т а б а ч ы, Д а в а ц и, Д е б а ч и – жуӊгар ханы (1750–53), Эрдене баатыр коӊтаа­жынын (Куту Көчүн) тукумунан чыккан акыр­кы хан. Эрдене баатыр коӊтаажынын 10 бала­сы: Сеӊге, Галдан Бошокту, Чечен (Цэцен), Баа­тыр, Дундук Сереӊ ж. б.) болгон. Д. Дундук Сереӊ- дин тукуму. 1750-ж. кышында Галдан Цэрен хандын жээни, хошут (хошоут) князы Амир­сана м-н бирге аталаш тууганы Олоӊ Доржу (Ла­ма-Доржи) ханды өлтүрүүгө катышып, бүт Жуӊ- гарияга хан болгон. 1753-ж. Цин аскери тарабы­нан колго түшүрүлүп, Пекинде өлтүрүлгөн.

Ад.: Златкин И. Я. История Джунгарского ханства (1635–1758 гг.). 2-е изд. М., 1983. Э. Турганбаев.