ДАВИД

ДАВИ́Д Жак Луи (30. 8. 1748, Париж – 29. 12. 1825, Брюссель) – француз живописчиси. Па­рижде ж-а Римде (1775–80) окуп, 80-жылдары рев-ячыл классицизмдин көрүнүктүү өкүлү ка­тары таанылган. Ал кездеги сүрөттөрүнүн көбү («Горацийлер анты», 1784; «Ликторлор Брутка анын уулдарынын сөөгүн алып келе жатышат», 1789) рев-ячыл классицизм көркөм чыг-лыкта­гы жарандуулуктун үлгүсү деп эсептелген анти­ка дүйнөсүндөгү каармандыкка байланыштуу тартылган. Д. француз буржуазиялык рев-ясы­нын тушунда активдүү якобинчи болуп, ал рев­ялык маанай чыгармаларында да чагылдырыл­ган («Топ ойноочу залдагы ант» 1791; «Марат­тын өлүмү» 1793, ж. б.). Кийинчерээк Наполе­ондун сүрөттөрүн чебер тартып, анын купулуна толгон («Такка отуруу шааниси», 1805–07; «Бо­напарт Сен-Бернар ашуусунда», 1800). 19-к-дын башында Д. француз академизминин беделдүү

Ж. Л. Давид. «Горацийлердин анты». 1784. Лувр. Париж.

өкүлү болуп калган. Бурбондор такка кайра келгенде, Д. 1816-ж. Брюсселге кетүүгө аргасыз болгон.