ДАЕКЧИ

ДАЕКЧИ – даекти сарптоо, бөлүштүрүү үчүн атайы кеӊеште тандалган, толук ишенчилик көрсөтүлгөн калыс адам. Ал калыстыгы м-н элге жаккан, элдин адат-салтын, турмушун, жорук­жосунун, чарбачылыкты, элдик оюн-зоокторду жакшы билген, сөзмөр, эпчил, нускалуу адам болгон. Мис., сүннөт ж. б. тойдогу бүт киреше­чыгаша Д-нин колунан өткөн. Ким, эмне, кан­ча алып келгени, кимге, эмне, канча берилге­ни, кайсы оюнга кандай байге коюлганы Д-нин эсебинде, калыс адилдигинде болгон. Албетте, таарыныч, нааразылык болбосун үчүн Д. тие­шелүү кишилер м-н кеӊешип турган. Д. куда катышындагы тойлордо кийит, сеп, белек, ка­лыӊ камдоодо ж-а аны бөлүштүрүүдө өзгөчө рол­ду ойногон. Д-лик аяктаганда, ага өзгөчө сый көрсөтүлгөн. Атагы чыккан мыкты Д-лерди башка уруудагы той, аштарга да чакырышкан. И. Молдобаев.