ДАЛМАТ АРАЛДАРЫ

ДАЛМА́Т АРАЛДАРЫ – Адрия деӊизиндеги ар­хипелаг. Хорватияга карайт. Аянты 2,5 миӊ км²дей. 1000ден ашык аралдан турат. Эӊ ири аралдары: Крк, Брач, Црес, Хвар, Корчула. Бал­кан ж. а-нын батыш жээгинин төмөн чөгүшүнөн ж-а Динара тайпак тоосунун этегиндеги айрым жерлерин суу жайпап калышынан пайда бол­гон. Булуӊ-буйтка ж-а кысыктар (далмация ти­биндеги жээк) көп. Негизинен акиташ тегинен турат; карст кубулушу өөрчүгөн. Кокту-колот­туу дөбө ж-а жапыз тоолор (бийикт. 778 мге чейин) басымдуу. Жер ортолук деӊиз бадалда­ры өсөт. Жүзүм, жемиш багы, зайтун дарагы өстүрүлөт. Цитрус плантациялары, деӊиз кли­маттык курорттору, улуттук сейилбактары бар. Туризм өнүккөн.