ДАЛЬВЕРЗИН

ДАЛЬВЕРЗИ́Н тарыхый археол. эстелиги – Фер­гана өрөөнүндө отурукташып, дыйканчылык м-н кесиптенген элдердин маданий ири борбору. Кара-Дарыя суусунун сол жээгиндеги Дальвер­зин кыш-на жакын жерде жайгашкан. 1952-ж. археолог Ю. А. Заднепровский ачып, 1956– 60-ж. казган. Жалпы аянты 25 га. Аны курча­ган чептин дубалынын калыӊдыгы 4–6 м, би­йикт. 2,5 м. Борб. бөлүгүндөгү археол. маданий катмардын калыӊдыгы 2,4–3 м. Кыштан курул­ган үйлөрдүн, очоктордун орду ж-а чарбалык маа­нидеги ороолор кездешет. Д-ден карапа идиш­тер, металл иштетүүчү устакана, металл кал­дыктары, курал жасоочу 8 калып, найзанын уӊгусу, шибеге, ийне, асем буюмдар ж. б. табыл­ган. Көбү – жаргылчак. Д-деги колодон, жезден жасалган буюмдардын молдугуна караганда, бул жерде металл өндүрүү жогорку деӊгээлде өнүк­көн. Археол. эстеликтин жогорку, ортоӊку ж-а төмөнкү катмарларынан адамдын сөөктөрү көп кездешкен. Көмүлгөн 50 адамдын баш сөөгү изилденип, алардын 32синин антропол. түзүлүшү европеоид расасына таандык экендиги аныктал­ган. Көмүлгөн адамдар байыркы салт б-ча бү­рүшкөн абалда бир капталына же чалкасынан жаткырылып коюлган. Д. тарыхый археол. эс­телиги – б. з. ч. 3-миӊ жылдыкка таандык ма­даният. К. Табалдиев.