ДАНАКЕРЛӨӨ

ДАНАКЕРЛӨӨ – атайын данакерди көлкүлдөтө эритип, аны металл тетиктердин кошула тур­ган жерине куюп, бири-бирине бириктирүү. Д. негизинен металл тетиктери бири бири м-н, ал эми айрым учурда карапа, айнек ж. б ме­талл м-н бириктирилет. Д. кол м-н, о. эле ме­ханикалаштырылган же автоматташтырылган атайын курулмада жүргүзүлөт. Данакердин эрүү темп-расына карата катуу ж-а жумшак Д. бо­луп айырмаланат. Айрым учурда электр, газ го­релкасы же жогорку жыштыктагы токтун жар­дамы м-н ысытуу аркылуу индукциялык, тий­мектүү ж-а жаалуу Д. пайдаланылат. Металл­дарды бекем бириктирүү үчүн алардын данакер­ленүүчү жери жакшы тазаланып, даты, майдын тактары кетирилиши зарыл. Д. радиоаппара­тура, прибор куруу, металл идиштерди жасоо ж. б. ө. ж. тармактарында кеӊири колдонулат. Кыргыз зергерлери м-н усталары ат жабдыкта­рын, кыз-келиндердин асем буюмдарын, кемер­курларды, мергенчилик, жоокердик курал-жа­рактарды, сандык, чыгдан, ала бакан сыяктуу үй эмеректерин жасоодо ж-а кооздоодо Д-нү кеӊири колдонушкан.