ДАН ЖАНА ДАН АЗЫКТАРЫН САКТОО

ДАН ЖАНА ДАН АЗЫКТАРЫН САКТОО – дан ж-а дан азыктарынын салмагы м-н сапа­тын сактоо үчүн жүргүзүлгөн чаралар жыйын­дысы. Бул чаралар туура уюштурулса, дандын салмагы, сапаты толук сакталып, коромжуга аз учурайт (бир жылда 0,08–0,3% салмак жого­тот). Дан негизинен кургак, муздак ж-а абасыз жерде сакталат. Кургак сактоодо газ алмашуу ж-а ным аз болгондуктан, данды бузуучу мик­роорганизм м-н дан зыянкечтери өөрчүбөйт. Муздак сактоодо темп-ра төмөн (8°С ж-а андан да төмөн) болгондуктан, микроорганизм м-н курт-кумурскалардын көбөйүүсү токтойт. Аба­сыз жерде, б. а. аба кирбеген жайларда (мис., силос чуӊкуру) дан зыянкечтери (курт-кумурс­калар, кенелер) таптакыр өөрчүбөйт. Дан эгин­дери кампаларда, акшак азыктары кендир кап­тарда сакталат.