ДАН САПАТЫН БААЛОО

ДАН САПАТЫН БААЛОО – дандын касиетте­ринин ж-а белгилеринин жыйындысын колдо­нулушуна (тамак-аш, тоют, тех. максаттарга) жараша керектөөлөрдү канааттандырууга жа­рамдуулугун, о. эле көпкө сактоо мүмкүндүгүн аныктоо. Д. с. б. так аныкталган методика б-ча жүргүзүлгөн анализдин натыйжасында бир нече көрсөткүчтөр м-н аныкталат. Дандын са­паттык көрсөткүчтөрү мамл. стандартта берил­ген. Аларга – дандын жаӊылыгы (түсү, жыты, даамы), кычкылдуулугу, чөп-чардын болушу, илдет ж-а зыянкечтерге чалдыгуусу, нымдуулук, көлөмдүк массасы, 100 даана дандын массасы ж. б. кирет. Данды технол. жактан баалаган­да (ун салдырууда ж-а нан бышырууда) анын тунуктугу, белоктун болушу, клейковинанын саны ж-а сапаты аныкталат, о. эле алынган ун­дан нандын үлгүсү бышырылат. Бышырылган нандын көлөмдүк чыгуусу ж-а формасын сак­тоосу бааланат. Д. с. б. топтор (партия) б-ча, б. а. сапаты бир өӊчөй, бир мезгилде кабыл алууга, тапшырууга же жөнөтүүгө арналган анын ар кандай сан өлчөмү б-ча жүргүзүлөт. Тандап алуунун ж-а бөлүүнүн ыкмалары мамл. стандарттар м-н чектелет ж-а так аткарылууга тийиш.