ДАН ТОЮТ

ДАН ТОЮТ – мал, үй куштарын тоюттанды­руу үчүн пайдаланылуучу дан ж-а буурчак өсүм­дүктөрүнүн уругу. Башка тоюттарга караганда тоют бирдигинде оӊой сиӊүүчү аш болумдуу зат­тары көп концентрат тоюттардын тобуна ки­рет. Дан эгиндеринин ичинен тоют өсүмдүктөрү:

жүгөрү, буудай, сулу, арпа. Жүгөрү даны аш болумдуулугу б-ча башка тоют дандарынан жо­гору турат. 1 кг жүгөрү данында 1,34 тоют бир­диги болуп, кант кызылчасынан гана кийин ту­рат. Май (70%) м-н крахмалга (6%) да бай, амин к-талары аз. Арпа даны – малга жакшы тоют. 1 кг данында 1,2 кг тоют бирдиги болот; 12% белок, 2,1% май, 13% суу ж. б. заттар бар. Сулу саан уйга, айрыкча жаш торпокко, жылкыга берилет. Сулудан уйдун сүтү көбөйөт, тоок жу­муртканы көп тууйт. Данында витаминдер (В₁ ж-а В₂) көп, микроэлементтер (кобальт, цинк, марганец) ж. б. заттар кездешет. Сулунун 1 кг данында 0,99 тоют бирдиги болот. Белок 10,2%, май 4,4, суу 12%, клетчатка 8,3%ти түзөт. Бу­лардан башка буурчак, сорго, таруу ж. б. да тоют катары колдонулат. Көгөргөн, бактериялык илдетке чалдыккан данды малга берүүгө бол­бойт.