ДАНЧЫ КОӉУЗДАР

ДАНЧЫ КОӉУЗДАР (Bruchidae)— коӊуздар түркүмүнүн өсүмдүк м-н азыктануучу курт-ку­мурскалар тукуму. Дене уз. 2—6 ммдей, сүйрү, тоголок же жумуртка сымал, томпок, майда коӊуз. Көзү тостогой, башы анча чоӊ эмес. Му­руту 11 муунактуу, канаты кыска. Арткы буту алдыӊкы бутунан жоон, узунураак. Жылына бир жолу тукумдайт. Дүйнөдө 1200дөй, а. и. КМШ өлкөлөрүндө 120дай түрү белгилүү. Кө­бүнчө чанактуу, чатыр гүлдүү, чырмоок өсүмдүк­төрүнүн уругунда мителейт. Д. к. күн ачык, жылуу кезде көбөйүп, жумурткаларын өсүмдүк гүлүнө, саадагына таштайт. Андан личинкала­ры чыгып, саадак кабыгын көзөп, данына ки­рет. Көпчүлүк Д. к. буурчак, маш буурчак, жас­мыкка чоӊ зыян келтирет. КМШ өлкөлөрүндө Д. к-га тышкы карантин чектелет. Пайдалуу түрлөрү аз. Чырмоокчу Д. к. отоо чөптөрдүн уругун жеп, пайдалуу.