ДАРГИНДЕР

ДАРГИНДЕР (өздөрүн д а р г а н, д а р г а н­т и деп аташат) – Дагстан Респ-нын жерг. кал­кы. Россиянын Ставрополь крайында ж-а Кал­макстанда да жашайт. Жалпы саны 365,0 миӊ адам, а. и. (тили, мад-ты, турмуш-тиричилиги жагынан жакын кайтаг ж-а кубачилер м-н ко­шо) 280,4 миӊи Дагстанда (2000). Даргин, о. эле

орус тилинде да сүй­лөшөт. Дини – му­сулман-суннит. Д. этноними алгач 15- к-да эскерилет. Д-дин негизги кесиби – дыйканчылык, мал чарбачылык , баг­банчылык. Байыр­тан өнүккөн кол өнөрчүлүгү бар. Не­гизинен тоолуу ай­мактарда жүн (кез­деме, килем, таар ж. б. токуу иштери), металл, жыгач, таш ж-а тери иштетүү кеӊири өнүккөн. Кубачи зергерлери курал-жарактары, зeр буюмдары м-н даӊкталган. Д-дин негизги социалдык уюткусун айылдык жамаат түзүп, кичи үй-бүлө түрү калыптанган. Бир тукумдан тараган тухум – үй-бүлөнүн патрилиниялык тобу сакталган. Д. үстү темир же черепица м-н жабылган эки же көп кабат үйлөрдө жашашат. Эркектер көйнөк, ыштан, бешмант, черкеска (бели тар, жакасыз, узун чапан), бурка (жеӊсиз чапан), тон, булгаары ж-а кийизден жасалган бут кийим, аялдар көйнөк, кенен шым, тон ж-а булгаары өтүк, башына күмүш кооздуктар м-н жасалгаланган чухта жамынган. Салттуу тамак-ашы – дан, эт, сүт азыктары, о. эле жа­шылча-жемиштер. Ш. Керимова.