ДАРЫЛООЧУ ДЕНЕ ТАРБИЯ

ДАРЫЛООЧУ ДЕНЕ ТАРБИЯ – ар кандай оору­ларды алдын алуу ж-а дарылоо максатында кол­донулуучу дене тарбия көнүгүүлөрү; мед. калы­бына келтирүүнүн негизги ыкмасы. Аны туура пайдалануу тез айыгууга, эмгекке жөндөмдүү­лүктү калыбына келтирүүгө түрткү берет. Оору­канада, санаторийде, поликлиникада комплекс­түү дарылоонун бир ыкмасы катары пайдаланы­лат. Ал бүт организмди чыӊдоочу жалпы ж-а айрым органдын, системанын бузулган функ­циясын калыбына келтирүүгө багытталган ата­йын машыгууларга бөлүнөт. Врач көнүгүүлөрдү

сунуш кылууда оорунун мүнөзүн, өзгөчөлүгүн, органдар м-н системалардын өзгөрүү даражасын, стадиясын, о. эле аны м-н бир мезгилде жүргү­зүлүүчү дарылоону эске алат. Д. д. т-нын неги­зин дене тарбия көнүгүүлөрү түзөт, алар гим­настикалык, спорттук ж-а оюндар болуп ажы­ратылат. Дене тарбия көнүгүүлөрү нерв систе­масынын бузулган функцияларын калыбына келтирип, сергитет ж-а дарылоонун башка ка­ражаттарынын таасирин күчөтөт. Узак убакыт төшөктө жатып, алсыраган учурда, таяныч­кыймыл аппаратынын кээ бир ооруларында,

ырсыктан жабыркаганда алардын функциясын ка­лыбына келтирүүдө, сөөк булчуӊ системасынын ж-а муун ооруларын дарылоодо жакшы натыйжа берет. Ал хирург. практикада опера­циядан кийинки кабыл­доолорду алдын алууга ж-а операциялык жарааттын бүтүшүн тездетүүдө, ички ор­гандарды дарылоодо жар­дамы чоӊ; айрыкча жүрөк­кан тамыр системасынын, дем алуу органдарынын оору­ларында, о. эле зат алма­шуунун бузулушунан бол­гон ооруларда кеӊири пай­даланылат. Шал, невроз, жугуштуу оорулардын на­тыйжасында борб. ж-а чет­ки нерв системасынын жа­быркоолорун кал ыбына келтирүүдө ж. б-да мааниси чоӊ. Д. д. т-сын табият таа­сири м-н айкалыштыруу да өтө натыйжалуу.