ДВОРЖАК

ДВО́РЖАК Антонин (8. 9. 1841, Нелогозевес, Влтаве – 1. 5. 1904, Прага) – чех композитору

ж-а дирижёр, Прага ж-а Нью-Йорк консервато­рияларынын проф. Бала кезинен элдик ыр-күү­лөрдү сүйгөн, алар анын чыг-лыгынын башаты бол­гон. Музыка м-н өз алдын­ча алектенип, кийин айыл­дык оркестрде скрипкада ой­ногон. Жалпы билим берүү­чү мектепти бүткөндөн ки­йин органда, альтта ой­ноону үйрөнгөн. 1857-ж. Прага орган мектебине ки­рет, 1859-ж. аны бүтүрүп, Прагада жаӊы ачылган Убактылуу театрдын оркестринде иштейт. 1860- жылдан бир нече симф. ж-а камералык чыгар­маларды, кыл аспаптар квинтетин, квартетин, симфонияларды ж-а «Кипаристер» ыр цикл­дерин жараткан. Ал – «Альфред», «Король жана көмүрчү», «Винда», «Кежирлер», «Айлакер дый­кан», «Дмитрий», «Армида», «Суу периси» ж. б. опералардын, «Славян бийлери» симфониясы­нын, «Ыйык Людмила» ораториясынын, фор­тепьяно үчүн пьесалардын ж. б. автору. Прага­да Д. коому ж-а музейи (1932-жылдан) бар.