ДЕЗИНВАЗИЯ

ДЕЗИНВА́ЗИЯ (дез... ж-а лат. invasio — кол са­луу, кууп чыгуу) — адам, мал ж-а өсүмдүктүн инвазия ылаӊдарынын козгогучтарын (гель­минттердин жумуртка ж-а личинкаларын, кок­цидиялардын ооцисталарын) айлана-чөйрөдөн жок кылуу чараларынын комплекси. Ал мех. (имаратты тазалоо, жуу, жерди айдоо), физ. (от, кургак ысытуу, суу буусу ж. б.), хим. (ксило­нафт, бир хлордуу иод, жегич натрий ж. б.) ж-а биол. ыкмалар м-н жүргүзүлөт.